Op 10 September is 2,5 ton teer aan DRC Electrical & Maintenance geskenk om slaggate in Langrandweg en Reynoldsstraat te vul.

Die tak het ook op 14 September 2 ton teer aan Eurika Cantall, sekretaresse van Sonra, wat die teerprojek gekoördineer het, geskenk.
Dié teer is gebruik om die padoppervlak in Leeuwkuillaan te herstel nadat die munisipaliteit sowat twee maande gelede ’n waterpyp herstel het, maar nooit die padoppervlak nie.

“Die Vereeniging-tak wil graag ’n beter omgewing vir almal skep en ’n verskil in die gemeenskap maak.

Die tak sal voortgaan om selfdoenprojekte aan te pak om die beeld van die stad te verbeter. As ons as ’n gemeenskap saamstaan en saamwerk om probleme uit die weg te ruim, kan ons nog baie sukses behaal,” sê Dewet Ungerer, AfriForum se distrikskoördineerder vir die Wes-Rand.