VANDERBIJLPARK – Graad 7 is ʼn groot jaar vir elke Voortrekker. Dis die laaste jaar wat hul as Penkoppe bekendstaan. Voordat hul egter volwaardige Verkenners kan word, is daar die Voorslagkamp.

Hierdie jaar se Voorslag-evalueringskamp het einde Augustus by die Voortrekkers se Doornkloofkampterrein plaasgevind. Tydens die praktiese en interaktiewe kamp word die Vories se leiersvaardighede en kennis getoets met betrekking tot alles van vlagseremonies en Die Voortrekkers se geskiedenis tot basiese kaart en kompaswerk.

Alles is prakties en geen teoretiese eksamen word geskryf nie. Vier van Orion Kommando se penkoppe was hierdie jaar by die Voorslagkamp.

Die uitslae is onlangs bekend gemaak. Kelly-Anne du Toit, Jandré Hanekom, Kayden Jooste en Mia Schoeman het almal Voorslag Silwer behaal.