VEREENIGING. –Wat het geword van die man wat al jare lank op ‘n bed onder ’n advertensiebord op die hoek van Ou Johannesburg en die M61 bly?

Dit is die vraag wat op sosiale media gevra word nadat die man glo spoorloos verdwyn het.

Die bed is glo ook weg.

Die man was so bekend dat hy onder inwoners van Arcon Park die bynaam ‘Mbedjie’ verwerf het.

Een stel gerugte wil dit hê dat hy raakgery is en homself in ICU bevind, terwyl ander meen dat hy na ‘n skuiling vir haweloses geneem is.

‘n Leser het onlangs geskryf: “Dagse lesers. Hoor gister daardie ‘verkeers moniterings beampte’ wat sy kantoor onder die bordjie het langs die verkeerslig is raak gery en tans in ICU. Die ou langs Arconpark se robot…wat jare al daar op sy matras ensovoorts plak.”

‘n Ander leser wou weet: “Does anyone know if the guy living at the corner of Kopanong hospital (at the robots) survived. I read he was in ICU.”

Indien jy weet wat van die man geword het kontak ons asseblief. Stuur ‘n e-pos aan Christiaan.Cloete@media24.com