Polisie vra roofslagoffers om na vore te kom
VEREENIGING. – Die polisie glo dat twee verdagtes wat Dinsdag na ’n mislukte rooftog by ’n huis in Planestraat in hegtenis geneem is deel is van ’n georganiseerde misdaadsindikaat wat al ’n geruime tyd ’n skrikbewind in Drie Riviere en Risiville voer. Die verdagtes het Dinsdagmiddag hul rieme styfgeloop toe hulle inwoners van Planestraat probeer …
VEREENIGING. – Die polisie glo dat twee verdagtes wat Dinsdag na ’n mislukte rooftog by ’n huis in Planestraat in hegtenis geneem is deel is van ’n georganiseerde misdaadsindikaat wat al ’n geruime tyd ’n skrikbewind in Drie Riviere en Risiville voer.
Die verdagtes het Dinsdagmiddag hul rieme styfgeloop toe hulle inwoners van Planestraat probeer beroof het.
Danksy die Public Eye Vaal anti-misdaadgemeenskapsinisiatief kon veiligheidswagte en die polisie blitsig ontbied word.
Boodskappe is op ’n WhatsApp-forum geplaas waarna talle mense die slagoffers te hulp kon gesnel het.
Die twee verdagtes is in hegtenis geneem en daar is beslag gelê op ’n groen Uno wat deur die verdagtes gebruik is.
Skroewedraaiers, tange en draadknippers is in die verdagtes se besit gevind, sowel as gesteelde skoene en twee pangas.
Vereeniging se stasiekommissaris brig. Sonja Slabbert het lede van die gemeenskap wat hande gevat het en gehelp het om misdaad te voorkom bedank.
Mense met inligting kan kan die polisiestasie op die hoek van Voortrekker en Stanleystraat in Vereeniging se middestad besoek of die polisie by (016) 450 2262 skakel.
