Nie net het hy ‘n goeie wortel oes gehad nie, daar is ook heelwat mooi tamaties en kool.

Die groot suurlemoenboom wat oor die tuin waak se vrugte blink ook groot en songeel tussen die donkergroen blare.

Jacob se grootste trots die jaar is egter die hubbard pampoene (hubbard squash). Die ou groenes is in Augustus geplant en het net aanhou groei. Hy het 17 pampoene geoes. Die laastes het hy spesiaal uitgehou om eers afgeneem te word.

Hy skat die grootste pampoen op ongeveer 12 kg. “Ek is baie lief vir tuinmaak en geniet dit om in my groentetuin te skoffel,” sê Jacob wat al sedert 1995 elke jaar ‘n groentetuin in sy erf in stand hou. “Ons verkoop nie die groente nie. Ons eet dit self en deel die res uit,” vertel hy.