VANDERBIJLPARK. – Al ooit gewonder of jy die regte beroepskeuse gemaak het?

Dalk wonder jy of jou kind die regte studiemetode volg? Miskien wens jy dat jy jou kind of lewensmaat beter kan verstaan sodat julle verhouding kan versterk?

Of dalk staan julle op trou en is jy nuuskierig oor jou maat se denk-styl en wonder jy hoe julle, met jul verskillende persoonlikhede, mekaar beter kan aanvul.  Dalk is dit motivering of meer dinamiese werksverhoudinge waarna jy smag, bietjie spanbou-pret of iets meer ernstig soos konflikmediasie. Is daar ‘n vakante pos wat gevul moet word, maar dit is moeilik om te besluit op die mees geskikte kandidaat?

Marelize Nell is ‘n geregistreerde Bedryfsielkundige asook ‘n Neethling Brein Instrument (NBI)-praktisyn en berader. Sy het ‘n passie vir mense en het na 14 jaar in die korporatiewe bedryf besluit om  Mind Rubiks te stig, waar sy individue, paartjies, gesinne en spanne help om te ontdek, te leer en te groei.

Marelize is nie klaar met die korporatiewe wêreld nie. Sy bied haar sielkundige en psigometriese dienste aan maatskappye in die omgewing, veral vir werwing en plasing, opleiding en persoonlike ontwikkeling.

Kontak haar gerus by info@mindrubiks.co.za om meer oor haar dienste uit te vind.

**********************************************************************