‘n Tesourus is ’n woordeboek wat gebruik word om sinonieme (en somtyds antonieme) van woorde te vind.

Die hersiende weergawe wat vroeër vanjaar verskyn het is die eerste hersiende weergawe van die oorspronklike Tesourus van Afrikaans, wat in 1994 uitgereik is.

’n Paar van die ander woorde wat alledaags op plekke soos die Kaapse Vlakte gebruik word en hulle pad tot in die woordeboek gevind het is omtes, madjat, sterkgevreet, oralster, ottermaklottertjie, koelpatats (dagga).

Die nuwe uitgawe bevat glo meer as 140 000 inskrywings waarvan 20 000 nuwe inskrywings is.

Prof. Leon de Stadler, wat tot onlangs direkteur van die Universiteit Stellenbosch (US) se taalsentrum was en ook aan die woordeboek gewerk het, meen meer kan gedoen word om erkenning aan nuwe variëteitete gee  en dat nuwe inskrywings soos dié maar net die begin is.

Die nuwe tesourus word deur Pharos uitgegee en kos R450.