VEREENIGING. – Drie van die grootste liefdes in sy lewe was sy familie, sy rugbyfamilie en die Here. Medelye stroom steeds in op sosiale media in nadat die 47-jarige Stefan Jacobs, hoofafrigter van die Vereeniging Rugbyklub, vroeër vandag aan Covid oorlede is. Jacobs het onlangs in ‘n laaste stemboodskap aan sy rugbyfamilie, sy spelers met ‘n bybelstuk wat hy voorgelees het bemoedig.  Die roerende stemboodskap getuig van sy geloofoortuigings en dat hy meer as net ‘n rugby-afrigter was. *Vaalweekblad het met vergunning van die Vereeniging Rugbyklub se bestuur toestemming gekry om die roerende stemboodskap te publiseer.