VANDERBIJLPARK – Hoërskool Driehoek se eerstespan krieketdogters is tans op toer in Potchefstroom. Hulle het hul toer afgeskop met ʼn oorwinning oor Potchefstroom Gimnasium.

Die Gimmies het eerste gekolf en is almal uitgeboul vir 117 in 24 beurte. Die Hoekies het op hul beurt 118 lopies vir die verlies van drie paaltjies in 15.4 beurte aangeteken. Driehoek het met sewe paaltjies gewen.

HS Driehoek het op hul Facebookblad gesê: “Wat ’n vertoning van spanwerk! Ons is sommer behoorlik HOEKIE-trots op elke speler wat haar deel gedoen het om hierdie wedstryd in Driehoek se guns te beklink. Baie geluk aan ons spelers en afrigters – ons hou duimvas vir nog groot oomblikke op toer!”