VANDERBIJLPARK. – Wêreldwyd begin ‘n nuwe jaar vir die Rotariërs op 1 Julie.

Dan word daar nabetraging gehou oor die jaar wat verby is en elke klub se nuwe bestuur word bekendgestel.

Die Rotary Klub van Vanderbijlpark het ‘n besonderse suksesvolle jaar agter die rug onder leiding van die vorige president Sonja Gilliland.

Die klub is aangewys as een van die Top 10 uit 74 klubs in Rotary District 9400.

Hierdie jaar gaan hul voortbou op die goeie werk onder leiding van President Celeste Lance.

Die res van Rotary Klub van Vanderbijlpark se bestuur bestaan uit Sonja Gilliland (visepresident), Adri Roos (sekretaresse), Carol Claase (tesourier), Alan Claase (Rotary Foundation), Jackie van Waveren (lidmaatskap), Jeanette Steyn Nortjé (gemeenskapsdiens), Rita Benecke (spesiale projekte), Petro Bester (skakelwerk), Mike Fraser (IT), Willie Biggs (jeugdienste) en Paula du Preez (fondsinsameling).

Die inhuldiging van die nuwe klub president het tydens ‘n zoom vergadering plaasgevind.