VANDERBIJLPARK . – Die omvang van die skade wat deur ‘n ontploffing aan die Vanderbijlpark Munic Substasie aangerig is sal eers more-oggend bepaal kan word.

‘n 30mva Transformator by die substasie by die Tshepiso informele nedersetting het net na 19:00 vannaand ontplof en bolle rook het oor die gebied gehang.

Brandbestryders het net na 20:45 op die toneel aangekom en begin spook om die brand te blus. Dié substasie is die hooftoevoer van Eskom aan Vanderbijlpark en die hele dorp is tans sonder elektrisiteit.

Dit is die soveelste substasie wat die afgelope jaar in Vanderbijlpark ontplof het.