VANDERBIJLPARK. – Freshlinq Vaal Fresh Produce Market het vroeg gisteroggend (Maandag 12 Julie 2021) te midde van dreigende oproer in Vanderbijlpark, boonop ‘n rooftog beleef.
Die varsproduktemark op die hoek van Muirstraat en Edisonboulevard in Vanderbijlpark se ligte nywerheidsgebied, kon darem teen vanoggend 09:30 weer hul deure vir die publiek oopmaak.
“Baie dankie aan die plaaslike polisie en private sekuriteitsmaatskappye vir hul vinnige reaksie, wat die mark in staat gestel het om so gou weer te open,” sê Freshlinq Vaal.
Gelukkig is niemand in die voorval beseer nie.
“Veiligheidsmaatreëls is verskerp om te verseker dat ons kliënte, produsente en werknemers ‘n veilige en aangename Freshlinq-ervaring het.”

***************************************************************************************************************************