VANDERBIJLPARK. –  Op 14 Julie het die Vaaldriehoek met een stem ‘n duidelike boodskap aan booswigte en oproeriges gestuur dat enige verdere plundery nie in die Vaaldriehoek geduld sal word nie.
In Vereeniging en Vanderbijlpark het taxi-bestuurders en lede van die publiek voor River Square en Vaal Mall laer getrek.
‘n Konvooi teen plundery het in Vanderbijlpark rondgery en ‘n duidelike booskap aan potensiale plunderaars gestuur.
In die Vereeniging se sakekern naby Mark Park het ‘n groot groep mense ook saamgedrom om enige vorm van onrus te stuit.
Sebokeng was gister egter nie so gelukkig nie met Shoprite Sebokeng Plaza en Mandela Square wat erg deurgeloop het onder plunderaars en vandale.

In Boipatong het besorge lede van die gemeenskap ook voor Supermarkte stelling ingeneem om booswigte af te skrik.

In Vaalpark kan die inwoners vanaand ook rustig slaap, omdat die groep Staan Saam Vaalpark/Sasolburg ingange na dié woonbuurt met ‘n valkoog dophou.