Lede van die gemeenskap, taxi-organisasies, GPF, patroleerders en sekuriteitsfirma’s het vroeër vanoggend in Vereeniging se middestad byeengekom om die boodskap uit te stuur dat plundery nie in Vereeniging toegelaat sal word nie.

Gewapen met paintball-gewere, sambokke, grawe, stokke en gewere het die lede van die gemeenskap op die hoek van Voortrekkerstraat en Marklaan (voor Mark Park) byeengekom om die boodskap helder en duidelik uit te stuur.