BRANDFORT. – In die regeringsgazette van 6 Augustus staan daar dat die minister van sport, kuns en kultuur, Nathi Mthetwa, amptelik die geografiese naam van Brandfort na “Winnie Mandela” hernoem het.

Winnie Madikizela-Mandela, vrou van die struggleheld Nelson Mandela, is op 16  Mei 1977 na dié dorp verban.

Sy het vir jare lank saam met haar jongste dogter Zinzi by huis 802 in Brandfort gebly.

Sy was baie ongelukkig daar. Daar was nie lopende water of elektrisiteit nie en die huis het glo nie vloere of ‘n dak gehad nie.

Winnie was baie alleen in Brandfort en het nie lekker daar ingeskakel nie omdat die mense van Brandfort meestal Sotho, Tswana of Afrikaans gepraat het en nie baie goed Xhosa (winnie se huistaal) kon praat nie.

Winnie is op 2 April 2018 oorlede.

Bron: sahistory.org.za