Local newsNationalNewsNews
Honde snuffel vuurwapen en ammunisie uit
Vyf mans is in hegtenis geneem en daar is beslag gelê op ‘n 9mm-pistool en ammunisie wat na bewering tydens ‘n rooftog gebruik is.
VEREENIGING. – Die polisie het Maandagaand (23 Augustus) omstreeks 22:30 inligting ontvang oor ‘n gewapende rooftog in die Orange Farm-omgewing.
Sers. Thokozani Mnisi, sers. Muziwandile Ziqubu en konst. Jabulani Mthombeni van die Sedibeng honde-eenheid is na die huise van die verdagtes waar vier van die verdagtes in hegtenis geneem is.
Inligting het ook gelei tot die inhegtenisname van ‘n vyfde verdagte op aanklagte van die besit van ‘n ongelisensieerde vuurwapen.
Die polisie het beslag gelê op die vuurwapen met ‘n patroon in, sowel as 17 rondes ammunisie.
Die vyf verdagtes sou in die Vereeniging-landdroshof verskyn op aanklagtes wat verband hou met roof en die besit van onwettige vuurwapen en ammunisie.
At Caxton, we employ humans to generate daily fresh news, not AI intervention. Happy reading!
