GEBORGDE INHOUD: MEDIAVERKLARING DEUR DIE VRYHEIDSFRONT PLUS OOR KIESERREGISTRASIE
Die Grondwethof het die proklamasie van die minister van samewerkende regering, Nkosazana Dlamini-Zuma, oor die verkiesing ongeldig verklaar en dus is die kiesersrol weer oop vir nuwe kiesers om te registreer en vir kiesers wat reeds geregistreer is, om seker te maak hulle is wel op die kiesersrol en in die regte wyk om te kan stem.
Met ʼn plaaslike regeringsverkiesing moet kiesers in die wyk stem waarin hulle woon.
Kiesers is welkom om hul status na te gaan by die volgende skakel: https://www.vfplus.org.za/IsEkGeregistreer
Indien u verhuis het en nie by die korrekte stempunt geregistreer is nie, kan u u adres op die onafhanklike verkiesingskommissie (OVK) se webblad verander: https://www.elections.org.za/pw/
Nuwe kiesers kan ook op die OVK se nuwe aanlyn-portaal registreer: registertovote.elections.org.za. Volg die stappe en onthou om u ID-boekie of -kaart byderhand te hou.
Die onderstaande grafika verduidelik die hele proses stap vir stap.
Die OVK bied hierdie naweek ook ʼn registrasienaweek aan (op 18 en 19 September) waar u by ʼn stempunt kan gaan registreer.
Die Grondwethof het bepaal dat die minister van samewerkende regering op 20 September ʼn nuwe verkiesingsdatum moet aankondig. Dit beteken dat kiesers tot dan het om te registreer.
Die VF Plus moedig mense aan om te registreer as kiesers en saam met die VF Plus op te staan, saam te staan en ʼn sterk boodskap aan die ANC te stuur dat die verval van munisipaliteite nie langer geduld sal word nie.
VF PLUS: ALGEMENE FOONNOMMER – 0861 700 700
Vir meer inligting oor die VF Plus, kan u gerus die VF Plus-hoofkantoor kontak by die volgende e-pos adres of telefoonnommer:
info@vf.co.za of 0861 700 700 / 012-6650564
#STAAN OP #STAAN SAAM #STAAN STERK
registertovote.elections.org.za
*************************************************************************************************
