VAALPARK. – Die man agter Public Eye en die een wat die meeste van Vaalpark se misdaadvoorkomingsaksies dryf, Arrie Coetzee, is in die hospitaal na ‘n hartaanval op 17 November 2021.

Public Eye se administrasiebeampte, Denise Stassen, het laat weet dat dit goed gaan met Arrie onder omstandighede.

Hy het vanoggend ‘n angiogram ondergaan en het drie stents ontvang.

Sy toestand is stabiel.

Ons wens hom ‘n spoedige herstel toe en hoop dat hy gou weer op sy pos sal wees.