HENLEY-ON-KLIP. – Volgens ER24 het nooddienswerkers kort voor 19:00 by die toneel opgedaag en die opgefrommelde voertuig in ‘n erf aangetref waar dit teen die muur van ‘n woning gebots het.

‘n Man in sy 40’s het op die toneel rondgeloop en ‘n vrou in haar 30’s het langs die voertuig gesit. Nooddienswerkers het vasgestel dat die vrou ‘n ernstige beenbesering opgedoen het terwyl die man minder ernstig beseer is.

Die pasiënte is op die toneel behandel. Die vrou is pynmedikasie gegee voor sy na die Sebokeng Provinsiale Hospitaal geneem is vir verdere behandeling.