SASOLBURG. – Annie die musiekblyspel sal op 9 Desember om 15:00 by die Etienne Rousseau Teater te sien wees. Hierdie produksie van die Pretoria Jeugteater is reeds voor vol sale in Johannesburg en Pretoria opgevoer.

Die Vaaldriehoek sien uit na die vertoning, want een van ons eie, Caitie Rock van Meyerton, vertolk die hoofrol. Annie is ‘n 11-jarige weeskind wat in ‘n kinderhuis in New York tydens die depressiejare grootword.

Dan verander haar lewe vir goed wanneer Mr Warbucks, een van die rykste manne in New York, besluit om ‘n weeskind vir ‘n wyle by hom in sy paleis van ‘n huis te laat bly.

Die storie bevat al die gunsteling treffers soos Tomorrow en It’s a hard knock life. Kom deel in Annie se avonture. Jy sal lag, jy sal huil en met ‘n glimlag uitstap.

Kaartjies kan reeds aanlyn bespreek word by www.ertickets.com. Kaartjies beloop R150 vir skoliere en persone ouer as 60 jaar en R180 per persoon vir die res. Gou speel. Hierdie kaartjies gaan soos soetkoek verkoop.