Almal wat hou van klassieke karre en outydse motors word hartlik uitgenooi na die Vintage & Classic Car Show wat by Karwas en Boeretroos in Vanderbijlpark aangebied gaan word.
Dit gaan by die Stephanopark Sentrum op die R42 gehou word.
Daar gaan die dag lekker saamgekuier word en besoekers sal heerlike eet- en drinkgoed kan koop. Daar is lekker speelplek vir kinders en goeie musiek gaan ook heeldag verskaf word.
Buiten die karuitstallings gaan daar ook stalletjies met oulike geskenkidees vir Kersfees wees.
Daar is nog uitstalruimtes beskikbaar en alle uitstallers is welkom om van hulle te laat hoor. Kontak 082 535 7437 of 076 764 1310 vir meer inligting hieroor of om ‘n stalletjie te bespreek.