VEREENIGING. – River Square het vroeër vanjaar vir kinders by verskeie plaaslike kinderhuise gevra om aan Kersvader te skryf en hom te vertel wat hulle graag vir Kersfees wil hê.

River Square was by die Sedibeng Children’s Haven, Galaxy Children’s Village, Trentico en die Lerato-kinderhuis om te hoor wat die kinders wil hê.

‘n Lys van al die geskenke is toe saamgestel.

River Square het lede van die publiek en inkopiegangers gevra om te help om die kinders se behoeftes te vervul.

Die winkelsentrum kon van die geskenke op die lys met die hulp van die publiek insamel.

‘n Spesiale partytjie is Saterdag by die winkelsentrum gehou waartydens die geskenke oorhandig is.

Die kinders is na die tyd ook bederf met ‘n ete en nagereg.