Local newsNewsNews
VIDEO: Kyk uit vir slaggate op die R54-pad
Die R54 tussen Vereeniging en Villers word al vir lank deur motoriste van Gauteng gebruik as 'n toegangsroete na die N3-snelweg by Villiers. Die toestand van die pad is tans baie sleg en sommige motoriste reken dit is beter om eerder die pad te vermy.
VEREENIGING. – Vaalweekblad het op 27 Desember 2022 gaan ondersoek instel en baie groot slaggate op die pad aangetref.
By sommige dele is die pad so sleg dat motoriste grondpaaie langs die teerpad uitgery het om die slaggate te vermy.
Daar is tekens dat gedeeltes van die pad onlangs herstel is, maar daar is gedeeltes waar jy baie stadig sal moet ry as jy nie jou voertuig wil afskryf nie.
Motoriste word gewaartsku om op die uitkyk te wees vir slaggate op die pad en stadig te ry (sodat jy vinnig kan stop) – veral die gedeelte van die pad wat buite Gauteng val.
Sommige motoriste verkies om eerder die R42 na Heidelberg te neem en van daar af op die N3 na Durban te klim.
At Caxton, every story is written by humans. We use AI only to perform quality checks - never to generate the news. Happy reading!
