Tenore, soprane, alte en basse – hier is jul kans
'n Besondere geleentheid om deel van 'n uitstaande vertoning te wees. Lees meer...
Die Etienne Rousseau Teater (ERT) met die ondersteuning van die Rupert Musiekstigting bied ‘n besondere vertoning aan oor die Pase.
Die vertoning sluit in Puccini se Messa de Gloria vir koor, orkes en twee soliste (mans), Beethoven se Koraalfantasie vir klavier, orkes en koor en twee Paaswerke van Karl Jenkins.
Tans is hul opsoek na koorlede om saam met die Ffortissimo Vocal Ensemble op te tree.
Indien jy belangstel, kontak vir Prof. Gideon Els by gideonels@gmail.com of by 083 630 2714 voor of op 23 Januarie 2023.
Verkose koorlede moet bereid wees om in Maart elke Saterdag in Benoni repetisies by te woon. Daar sal ook twee verpligte kleedrepetisies wees.
Die finale uitvoerings sal gehou word in Benoni by Jubilaté 2 April om 15:00, die Linder-Ouditorium in Johannesburg, 23 April om 15:00, by die Afrikaanse Hoër Seunskool, Pretoria 16 April om 11:00 en by die ERT in Sasolburg 16 April om 16:00.
