Meergro Kwekery het ‘n projek van stapel gestuur om kos en klere te verskaf aan mense wat hulpbehoewend is na die naweek se oorstromings.

Die Vaaldriehoekse gemeenskap het soos altyd nie teleurgestel nie en besighede sowel as individue het reeds mildelike bydraes in die vorm van voedsel, klere en dierekos gemaak. Meergro sit tans met vragte skenkings en honderde kospakkies wat hulle graag by hulpbehoewendes wil uitkry.

Verdienstelike organisasies of individue wat kan help met die verspreiding daarvan, of mense wat dringend van die kos en ander skenkings benodig, word versoek om die broers Gert en Willem le Roux van Meergro per Whatsapp te kontak by 065 821 6733.

Baie dankie aan almal wat tot dusver skenkings gemaak het. Julle maak die Vaaldriehoek trots!