Cow & Bull in Drie Riviere stoot kompetisie uit die pad
VEREENIGING. - Die gewilde Cow & Bull kuierplek in Drie Riviere, lank reeds bekend in die Vaal vir die lekker vertonings wat gereeld daar aangebied word, het onlangs ook by die Afri-Indie Onafhanklike Kunstenaars-toekennigs erkenning vir hul rol in die Suid-Afrikaanse musiekbedryf ontvang.
Die toekenningsaand is 4 April in Pretoria gehou en die trotste eienaars van Cow & Bull, Dries en Linel Visser, het met die toekenning:
Best Live show venue, teruggekeer huis toe.
Die toekennings word vir onafhanklike musikante/kunstenaars gehou om hulle te bedank en te vereer vir hulle bydrae tot die Suid-Afrikaanse musiekbedryf.
Hierdie is vir kunstenaars wat hulself finansier en nie groot platemaatskappye agter hulle het om onder meer met hul bemarking te help nie.
“Ons het ingeskryf as ‘n venue wat onafhanklike Suid-Afrikaanse kunstenaars help om blootstelling te kry deur by ons op te tree (van sangers tot drag queens),” verduidelik Dries en Linel.
Ander wenners wat die aand hul draai op die verhoog gemaak het om ‘n toekenning in ontvangs te neem sluit in: Rudi Claase, Dirk van der Westhuizen, Sorina Erasmus (die Flooze), Jennifer Zamudio, Irene-Louise van Wyk, Lianie May en Carike Keuzenkamp, om maar net ‘n paar te noem.
* Besoek gerus https://www.facebook.com/AfriIndietoekennings vir meer oor die geleentheid.
