Vaalweekblad van 28 April bevat weer ‘n goeie kombinasie harde en sagte nuus, sport en die gebruiklike blokraai.

Lees meer oor ‘n regte boere kettie-makietie wat 6 Mei in Deneysville plaasvind en moenie van Liewe Heksie vergeet wat 7 Mei in Sasolburg kom kuier nie.

Ons spog bietjie met Vaalpark Primêr wat as top akademiese skool in die Fezile Dabe distrik aangewys is en geniet saam met Laerskool Kollegepark hul hoof se verjaardag.

Dan berig ek ook oor CMM Prokureurs se jaarlikse potjiekoskompetisie wat onlangs plaasgevind het en ons maak kennis met ‘n groep mense wat hul oor die bome in Buddstraat in Vanderbijlpark ontferm.

In my rubriek, Ek sê maar net, gesels ek oor hoe my ou laerskoolhoof in hierdie lewe nie op ‘n perd sou klim en Cowboy sou speel op sy verjaardag nie.

Ek onthou die dae wat ons koeldrank verniet gekry het op die hoof se verjaarsdag.

Vir lekker lees oor die langnaweek, onthou om jou Vaalweekblad by jou naaste groot winkel of vulstasie te kry.

Groetnis van huis tot huis.