Uit my pen – die Week in Vaalweekblad
Loer wat wag die week in die Vaalweekblad. Te koop vanaf Vrydag, 23 Junie.
Hierdie week is daar weer ʼn mengelmoes van stories en gebeure in die Vaalweekblad.
Op bl. 6 is daar ʼn storie so reg uit ʼn Hollywood rom-com. Die Malans is vanjaar 54 jaar getroud, maar dis die begin van hul verhaal wat die hartsnare roer.
Ons maak nader kennis met die voorsitter van die GTCoC sakekamer, Jaco Verwey wat op sy dag ʼn handige paaltjiewagter was en ook gereeld sy buiging op die verhoog gemaak het.
Die Rotariër Klub van Vanderbijlpark spog met ʼn nuwe klubpresident, Adri Roos en ons het gaan nader kennis maak.
Vind inspirasie in die dames van die Aqua Splash Klub, die oudste is 87, wat nog gereeld saam wateroefeninge doen en kuier.
In my rubriek, Ek sê maar net, vertel ek meer oor wat gebeur as daar skielik duisternis in die kantoor neerdaal.
Dan is daar natuurlik nog vele ander interessante artikels en sportnuus.
Gaan kry jou Vaalweekblad, beskikbaar vanaf 23 Junie en geniet die lees.
Groetnis, van huis tot huis
