Die dag word gehou om gemeenskappe, organisasies en mense regoor die wêreld te herinner om die gebruik van plastieksakke en plastiekverpakking vir eenmalige gebruik te vermy.

Plastiek het ‘n nadelige impak op die omgewing aangesien dit honderde en selfs duisende jare neem om af te breek.

Volgens die organisasie Greenpeace is 90% van die plastiek wat ooit vervaardig is nooit herwin nie.

Baie van die plastiek eindig in die grond, in riviere en in die see op, waar dit nie net ‘n gevaar vir diere wat in die water lewe inhou nie, maar ook in die water opeindig wat weer deur mense gedrink word.

Volgens Unesco beland daar jaarliks tussen 8 tot 10 miljoen metriese ton plastiek in die oseaan.

Chemikalië wat uit plastiek lek beland ook in die grondwater.

Plastiek word mettertyd in klein stukkies afgebreek en deur diere gevreet.