VEREENIGING. – Mohammed Khan, seun van die oorlede eienaar van die huis, sê het hy gisteraand in die tuin gestaan en rook toe hy vlamme binne die huis deur die venster gemerk het.

Khan vertel: “Toe ek by die kombuisdeur instap was daar rook orals.

“Ek het deure probeer afskop om te sien waar die rook vandaan kom.

“Ek het een deur afgeskop, maar die vlamme was net te groot en dit was net te warm.”

Volgens Khan het hy later in ‘n motorhuis op die erf skuiling gesoek nadat hy ontploffings gehoor het.

Khan bly in ‘n kamer in die huis wat aan sy oorlede ouers behoort het en huur die res van die kamers uit.

Daar het ‘n paartjie, sowel as ‘n ma en haar drie kinders in die huis gebly.

Die ma en een van haar kinders was nie by die huis toe die brand ontstaan het nie.

Al die inwoners kon betyds uit die vlammehel ontsnap.

Niemand is ernstig beseer nie, maar Khan sê hy het feitlik alles in die brand verloor.

Midvaal-brandweer het gehelp om die brand onder beheer te bring.