Kommer oor groeiende plakkerskamp langs Kliprivier

Inwoners van Drie Riviere het die afgelope week weer kommer uitgespreek oor die groeiende plakkerskamp langs die Kliprivier in Drie Riviere.

July 27, 2023

Christiaan Cloete Less than a minute

Plakkerstente langs die Kliprivier in Drie Riviere. Foto: Verskaf

VEREENIGING. – Ten spyte van pogings wat vroeër aangewend is om van plakkers van die gebied te verskuif lyk dit of die hoeveelheid plakkershutte by die dag meer word.

Inwoners sê dit blyk of die Emfuleni Plaaslike Munisipaliteit geen belangstelling toon om gemeenskaplike ruimtes te beskerm nie.

Vaalweekblad verneem die kwessie is reeds onder die Emfuleni Plaaslike Munisipaliteit se parke-afdeling, sowel as die maatskaplike-afdeling se aandag gebring.

Volgens Dalene Venter, raadslid vir Drie Riviere, is dit weer aangemeld.

Inwoners eis dat die kwessie daadwerklik aangespreek word.