CLARENS. – Mnr. Awie Viloen, ‘n sakeman van Vereeniging en boer, was glo besig om sy plaashek oop te sluit toe twee onbekende mans op hom toegesak en hom van sy besittings, sowel as sy wit Isuzu bakkie met ‘n Gauteng nommerplaat beroof het.

Die aanval het glo omstreeks 21:00 gebeur.

Vaalweekblad verstaan van Viljoen se ribbes is tydens die aanval gebreek.

Hy moes glo van die plaashek na sy huis stap en het van daar af hulp ontbied.

Viljoen sterk tans in die Mediclinic Hoogland in Bethlehem aan.

Niemand is nog in verband met die voorval in hegtenis geneem nie.