MEYERTON. – “Dankie vir alles wat julle doen. Ons waardeer julle almal as vroue in ons samelewing en ek dink julle speel ‘n enorme rol in die welstand van hierdie land. Julle beteken ook baie vir ons as mans.”

Dit was die boodskap van Midvaal Plaaslike Munisipaliteit se uitvoerende burgermeester, rdh. Peter Teixeira, aan die vroue van die Midvaal Plaaslike Munisipaliteit.

Teixeira het by die Ligkuns-kunsgalery gepraat voor ‘n groep vooraanstaande vroue van die gemeenskap wat genooi is vir ‘n vrouedag-geselligheid.

Meeste van die genooides is sakevroue wat ‘n aktiewe rol in die bemagting van vroue in die samelewing speel.

Nasionale Vroudag is ‘n openbare vakansiedag wat jaarliks op 9 Augustus in Suid-Afrika gevier word om die optog van vroue in 1956 gedenk wat beswaar gemaak het teen wetgewing wat swart Afrikane verplig het om ‘n pas te dra.

(Die pas (bewysboerk) was ‘n spesiale dokument wat die daaglikse beweging van swart mense gedurende die apartheidsera beperk het, met die doelwit om wit woongebiede te beveilig).

Die dag word ook gebruik om vroue te vereer vir die rol wat hulle in die samelewing speel.

Teixiera het gesê die vroue teenwoordig is ‘n ware inspirasie vir jong meisies in die gemeenskap.

Hy en lede van die burgemeesterskomitee, sowel as die speaker van die Midvaal Plaaslike Munisipaliteit, het later blomme in Meyerton se middedorp uitgedeel.