Wanneer radio-amateurs van die Sasolburg Amateur Radioklub (Sasol Radio Club) nie voor ‘n radio sit of besig is om aan ‘n tegniese projek te werk nie, word daar lekker saamgekuier, geëet, gedrink en gelag. Dit was weer die geval toe klublede en hul metgeselle vroeër die maand by Farm ‘n Sea Grillhouse in Vanderijlpark saamgekom het vir hul jaarafsluiting.

FOTO: Onder die klublede en verteenwoordigers wat die geleentheid bygewoon het, was (in geen spesifieke volgorde nie) Gideon Jannasch (ZS4GJA), Ruan Fivaz (ZS6RFC), Ilze Fivaz (ZS6IMF), Ockert Taljaard (ZS4LZ), Elmarie Mccash (ZS6EM), Erich Jannasch (ZS4VW), Derrick Voster (ZS6DK), Kobus Kotze (ZS6KBS), Riaan Greeff (ZS4PR), André Nortjé (ZS6XXX), Corrie Taljaard (ZR4CT), Lizanne Fitchat (ZS6LIZ), Dirk Hatting (ZS6DH), Werner Nel(ZS6SAR) en hul metgeselle.

‘Ons is dankbaar dat Amateur Radio in die streek positief groei en dat 2024 gaan lei tot groter dinge,’ sê Riaan Greeff, die waarnemende klubvoorsitter. Besoek die Facebookblad ‘Sasolburg Amateur Radio Club ZS4SRK‘ vir meer inligting oor hul werksaamhede.

Die Vaaldriehoek Radio-amateurklub het onlangs ook hul jaarafsluiting gehou. Lees die berig hier: https://www.citizen.co.za/vaalweekblad/news/2023/12/14/vaaldriehoek-radioklub-kuier-ook-gesellig-en-geselserig-saam/