Inwoners spring in om Vaalrivier te red

Die Vaalrivier lyk al op verskeie plekke heelwat beter, maar daar lê egter nog baie werk voor en alle hulp en ondersteuning uit die gemeenskap is nodig in die oorlog teen die indringerplante.

January 26, 2024

Elsje Vermeulen Less than a minute

Elke bietjie wat gedoen word om die rivier skoon te maak, maak saam 'n groot verskil. Mooi so jong manne vir jul harde werk.

Natuur- en watersportliefhebbers het aan die begin van Januarie met skok gesien dat die Vaalrivier in sekere gedeeltes waar dit deur Vereeniging en Vanderbijlpark vloei, met ‘n kombers van “waterslaai” en hiasinte bedek is.

Dié plante is uitheemse indringer-spesies wat teen ‘n verbysterende spoed aangroei.

Lede van klubs aan die Vaalrivier, die gastehuisbedryf en oewerbewoners het sedert verlede week en die afgelope naweek hard daaraan gewerk om soveel as moontlik van die plante uit die water te skep, na die oewer te bring en te vernietig.

‘n Duidelike verskil is reeds op sekere plekke sigbaar. Daar lê egter nog harde werk voor.

Lees vorige berig deur op foto heelonder te klik.