Ons weet wat ons weet: Wat is waterslaai?

Gerda Bruinette het by die Primêreskool Fonteine in Sasolburg se jongelinge gaan hoor of hul weet.

Abraham Furter Dis as jy slaai maak met baie water in.

Carli Lombard Is ‘n glyplank waar daar water afgaan en dan kan die kinders daar afgly. Dis ‘n baie groot glyplank.

Daniël Lombard Ek dink dis slaai wat van baie vloeistowwe gemaak is van vrugte.

Dané Weideman Is dit nie slaai met water in nie?

Leon Kruger Dis seker goed wat in die rivier groei en dan haal dit suurstof uit die water uit. (Ja, hy vang vis, dié dat hy weet.)

Liam Kriel Dis seker ‘n tipe slaai wat water in het. Die moet vrugteslaai wees, want ek eet nie groente nie.