Local newsNewsNews
Nuwe klubgronde vir Bikes ‘n Roses FSC
Bikes 'n Roses se nuwe klubhuis in Vereeniging is na dese behoorlik ingewy.
VANDERBIJLPARK. – Bikes ‘n Roses Free State Chapter het Saterdag, 20 April hul nuwe klubhuis ingewy met ‘n bring en braai, goeie musiek en kompetisies.
Die klubgronde is geleë te 82 Barrageweg by Shooters Pub & Pool.
Vir die okkasie het die nasionale president en stigter van Bikes ‘n Roses, Ben Lourens en sy vrou ShaSha, al die pad van Middelburg kom saamkuier.
Alhoewel die nasionale klub eers in 2015 gestig is en die Free State Chapter verlede jaar, gaan die klub goed aan. Hul nuwe klubgronde en klubhuis sluit ‘n watergat, liga en gewone potspel (pool) tafels, dansplek, ‘n “burn-pad” en baie kuierplek in.
Saterdag het verskeie van die Vaaldriehoek se motorfietsklubs saam met die Bikes ‘n Roses klub gekuier.