VAALDAM. – 18 Hengelaars, 179 vis en dit alles op een dag. Dinsdag, 16 April was ‘n hengelfees vir die manne en dames van die Groenpunt Hengelklub.

Hulle het lyn gaan natmaak by Jackie Leonard en die visse het van vroeg af geloop.

In die meestersafdeling het P. Smit ‘n eerste plek behaal met 18 visse (15,063 kg), J. Jordans was tweede met 23 visse (9.683 kg) en G. Smith derde met 20 visse wat 10.440 kg geweeg het.

In die damesafdeling het V. Smith met die louere weggestap. Sy het vier visse gevang (1.132 kg) vir die dag.

Michael Slabbert het die grootste vis vir die dag uitgetrek, ‘n karp van 3.884 kg. Dankie aan Wimpie Willemse wat die inligting en foto’s verskaf het.