Vaalweekblad en Ster, in samewerking met Chilli PicNic Fotografie, se jaarlikse Baba- en Kleuterwedstryd spring hierdie week weg met die eerste foto-sessies!

Alle kleingoed vanaf pasgebore ouderdom tot 6 jaar oud mag inskryf. Groot pryse is vanjaar weer vir die wenners op die spel!

Om dit geriefliker te maak vir ouers neem ons professionele fotograwe vanjaar foto’s vir die inskrywings by plaaslike kleuterskole. Ouers (of amptelike voogde) moet net ‘n inskrywingsvorm, wat by die betrokke kleuterskole se kantore beskikbaar sal wees, invul en die R100 inskrywingsfooi betaal. Ouers wie se kinders nie in ‘n kleuterskool is nie, kan hul kleingoed by enige van die genoemde kleuterskole laat afneem, of op sekere dae by MooiVaal Media se kantore in Deliusstraat 23, Vanderbijlpark. Inskrywingsvorms sal ook by MooiVasal Media se kantore beskikbaar wees.

Al wat ouers verder moet doen, is om elke week se uitgawe van Vaalweekblad te koop om seker te maak julle sien jul kind se foto wanneer dit in die koerant gepubliseer word. ‘n Kode sal by elke foto in die koerant geplaas word, wat ouers, familie en vriende moet gebruik om vir die kleinding van hul keuse te stem.

Buiten dat elke deelnemertjie se foto in Vaalweekblad geplaas gaan word, sal ouers ook ‘n gratis professionele foto per WhatsApp ontvang.

Die top 10 wenners in elke kategorie sal deur ‘n kombinasie van stemme en onafhanklike beoordelaars bepaal word.

Stemvorms sal weekliks in Vaalweekblad gepubliseer word. Hou Vaalweekblad dop om te sien waar daar oral houers gaan wees om jul stembriefies te pos.

17 Mei – Lekker land Sasolburg: 12:00 – 14:00

21 Mei – Sozo Vanderbijl: 13:00 – 15:00

22 Mei – Kiddies Paradise Vanderbijlpark: 13:00 – 15:00

24 Mei – MooiVaal Media se kantore: 15:00 – 17:00

27 Mei – VIP Kidz VDBP: 09:00 – 11:00