VAALPARK. – Vincent van Schalkwyk, ‘n matriekleering aan die HS Vaalpark het 24 April silwer verower by die 45ste Afrika judo kampioenskappe wat in Kairo, Egipte gehou is.

Hy en sy spanmaat, Phillip Pretorius het die besonderse prestasie in Nage No Kata behaal.

Suid-Afrika het ‘n span van 17 Egipte toe gestuur om aan die kampioenskappe deel te neem wat van 22-26 April gestrek het.

Vincent was die enigste skolier en die Egiptenare waarteen hulle te staan gekom het in die finaal was groot manne.

Sy ma, Miri Vermeulen sê hulle is ongelooflik trots op Vincent wat op so ‘n jong ouderdom so ‘n uitstekende prestasie behaal het.