VANDERBIJLPARK. – Dit was ‘n ongekende lekkerte vir die leerders en personeel van die Laerskool D.F Malherbe.

Die bekende en bekroonde kinderboekskrywer, Jaco Jacobs het by die graad 4 – 7’s besoek afgelê en daar is omtrent foto’s geneem en handtekeninge uitgedeel.

Dit was duidelik dat die jongspan sy boeke en stories baie geniet.

Na die besoek het Jaco op die skool se facebookblad laat weet: “Baie dankie vir die wonderlike ontvangs by jul skool! Die kinders was só oulik.”

Andries Visagie het die gevoel mooi saamgevat: “Jaco Jacobs, enigiemand wat ‘n liefde vir lees by die kortvolk met die blink oë aanwakker, kry bonuspunte. Mooi so!”