VANDERBIJLPARK. – Die stembusse is oop tot 21:00. As jy nog nie gaan stem het nie, doen so. Die rye is lank. Dis lank staan, maar as ons nie nou stem nie, beteken dit ons aanvaar dat ons dorp maar so lyk.
Ons aanvaar dat dit normaal is om vanuit ‘n boulevard op ‘n sypaadjie te moet klim om ‘n massiewe slaggat gevul met water mis te ry.
Ons aanvaar maar dat die paaie na die stempunte vol gate is. Dat die skole waarby daar al vir jare gestem word uitmekaar val en dat daar “bouprojekte” al vir jare aan die gang is wat maar net nie klaarkom nie.
Ons aanvaar die korrupsie. Ons aanvaar die swak dienslewering.
Nonsens. Dis ‘n demokratiese land en die landsburgers moet van hul laat hoor. Nou is die tyd.
Ek gee nie om vir wie of watter party jy stem nie, maar doen die moeite en gaan stem. Asseblief.
