Ons weet wat ons weet
Die jongspan van Primêre skool Fonteine in Sasolburg droom groot oor wat hul eendag wil word. Gerda Bruinette het by die gr. 1 – 3’s gekuier en hul opinies gehoor.
JJ van der Merwe Ek gaan ‘n professionele jagter word. Ek oefen al met my speel ‘guns.’ Ek en my vriend Ethan gaan baie geld maak.
Shenescké Hartmann ‘n Dieredokter of ‘n aktuaris, dis iemand wat moeilike somme kan maak. Ek hou baie van diere. Ons het baie voëls, drie honde, een vis, ‘n papegaai en ‘n verkleurmannetjie.
Josias du Toit ‘n Paleontoloog. Dis iemand wat op die see en op die land grawe en dan bene uitgrawe wat hulle in ‘n museum sit. Dinosourusbene.
Kiantey Voorby Ek gaan president van Suid-Afrika word en ‘n miljoenêr wees.
Liané Jansen van Rensburg Daar is baie goed wat ek gaan word. Dokter, veearts, sanger (ek kan sing), boer en juffrou.
Carli Erasmus Ek weet nie. Ek is nog nie eens in graad 7 nie. (Sy is in graad 2). Miskien ‘n hoërskooljuffrou in wiskunde en Afrikaans. Ek sal nie kwaai wees nie.
