SASOLBURG – Die leerders van die Primêre Skool Fonteine doen dinge voluit, of hul doen dit glad nie.

Hulle het dit weer Vrydag bewys toe die hele skool aan hul pretdag deelgeneem het. Nadat almal in klasverband ‘n “minicomrades” om die skool voltooi het, was dit tyd vir die groot pret om te begin.

Die jongspan het die pa’s en onderwysers by die braaivleisvure oorval waar hul vleis gebraai is. Daar is lekkernye uitgedeel en die bonus van die dag, kleurpoeier.

Onder streng opdrag om anderkant die krieketveld te gaan speel het eers die juniors en toe later die seniors mekaar behoorlik getakel.