Slegte skuld besorg baie Suid-Afrikaners slapelose nagte. Dit is op dié gebied waar Morné Broekman van DRS Group ‘n daadwerklike verskil maak. As ‘n kenner in skuldherstrukturering help sy mense om hul finansiële stress te verlig en regstappe te vermy.

Haar onderneming in Meyerton is deel van DRS Group se landwye voetspoor. Sy luister in detail na elke kliënt se finansiële omstandighede om ingeligte besluite te kan neem en ‘n gedetaileerde begroting op te stel.

“Krediteure en die hof aanvaar gewoonlik ons aansoeke omdat alle voorstelle op een of ander manier bewys kan word. Ons is ook baie suksesvol om laer rentekoerse te onderhandel omdat krediteure wel die oorspronklike kapitale bedrag terugkry,” verduidelik Morné.

Omdat finansiële stress werknemers se prestasie beïnvloed, lewer sy gereeld praatjies by maatskappye om aan personeel te toon dat daar maniere is om beheer oor jou geldsake te kry.

Morné is ‘n stigterslid van die Midvaal Chamber of Commerce en verteenwoordig die Kamer ook saam met Midvaal se burgemeesterspan in die Sedibeng Public & Private Growth Initiative (PPGI). Die NGO, Weeds & Seeds, is haar hartsprojek waarvoor sy skakeling in die korporatiewe mark doen. In haar vrye tyd speel sy gholf of bestee tyd saam met haar kinders en kleinkinders. Haar doelwit is om die wêreld ‘n beter plek vir almal te maak.

Adres: H/V Boet Kruger- & Holidaystraat, Meyerton.

Sel: 074 785 3435 of 083 527 1153.