Skoolhoof en onderwysers word voor skoliere ‘gearresteer’
Die skoliere het geskatterlag terwyl die onderwysers weggevat is
VAALPARK – Woensdag 14 Mei het die klaskamertafels geskud soos die skoliere lag toe die Primêre Skool Lumiere hul Breek die Reëls-dag gehou het.
Leerders het in ’n skreeusnaakse stemming besluit wie van hul geliefde onderwysers in hegtenis geneem moet word.
Die “skuldiges”, ’n paar dapper siele wat die uitdaging met albei hande aangegryp het, was die hoof mnr. Kriel, mnr. Wickus, Juffrou Hanli, Juffrou Christie en Juffrou Lizzy.
Met sirenes wat loei en ’n regte polisievangwa op die toneel het die “arrestasies” voor juigende leerders plaasgevind wat die hele speletjie gate uit geniet het.
Die leerlinge is baie aan @PublicEyeVaalpark verskuldig want dis nie elke dag dat jy sien hoe jou skoolhoof in ’n polisievoertuig weggery word terwyl jy op die gras sit en popcorn eet nie.
