VAALPARK – Die slaggate in Paardeberg straat in Vaalpark word gereeld opgevul met teer, maar dit blyk om ‘n verlore stryd te wees.

Reën en swaar verkeer is egter twee van die grootste oorsake dat die opvulling van die slaggate slegs ‘n tydelike oplossing is.

Na vele pap bande en skade aan sierwiele en onderstelle het weldoeners besluit om die gapende slaggate met geel verf te omkring. Hoewel dit nie die probleem oplos nie, verbeter dit sigbaarheid aansienlik.

Motoriste sien dus die slaggate vroegtydig en kan beter besluitneming toepas om die gate te vermy.