VANDERBIJLPARK – Kuns en wyn in die tuin. Dit klink na enige kunsliefhebber se droom.

Franciska van der Merwe en Riëtte Odendaal van Kunstedraai in Offenbachstraat het besluit dis hoog tyd dat mense weer vir ʼn slag kuns waardeer.

Daarom hou hul op 4 en 5 Maart van 17:00 – 20:00 ʼn kunsuitstalling in hul tuin en saal. Nie net gaan professionele kunstenaars van hul werk tentoonstel nie, kinders kry ook die geleentheid om hul bestes op skou te sit. Alle kunsskole word ook genooi om deel te wees van hierdie projek.

Toegang is gratis. Volwasse kunstenaars kan enige hoeveelheid van hul werk uitstal teen R100 inskrywingsfooi vir al die skilderye, terwyl kinders R50 betaal om hul kuns met besoekers te kan deel. Om in te skryf, klik hier.

“Hierdie is nie mark nie,” sê Franciska, “dis ʼn poging om mense te kry om weer na ʼn verskeidenheid kunswerke te kyk en kuns as te ware te herontdek.”