VANDERBIJLPARK – Die VLU Alpha Tak het einde Februarie die jaarlikse konferensie in Steynsrus bygewoon. Rina de Klerk het laat weet dit was ʼn wonderlike dag met baie goeie sprekers en eetgoed.

Die hoogtepunt vir Alpha Tak was egter die prysuitdeling. Hulle het vier trofees verower. Judy Cunningham het 90%  behaal vir haar tekenprent met ʼn balpunt pen. Judy kon ongelukkig nie die konferensie bywoon nie en Rina de KLerk het die trofee namens haar ontvang.

Myra Booysen, Tersia van der Walt en Ina van Rensburg het ook pryse ingeoes.

Kort na die konferensie was dit weer tyd vir die VLU se maandvergadering. Die keer was hul spreker Annelise Fourie wat hul kom touwys maak het in die kuns van Amigurumi hekelwerk.

Om by die VLU se Alpha Tak in te skakel, kontak gerus vir Rina by 083 307 3066.