VANDERBIJLPARK – Die paaie in SW5 verval in Vivaldi-, Brahms-, Carter- en Schumann-straat is propvol slaggate en bykans onbegaanbaar. Volgens inwoners is die probleem al herhaaldelik by die Emfuleni Plaaslike Munisipaliteit (ELM) aangemeld. Vilvaldi straat verspoel ook gereeld weens swak dreinering maar daar word niks hieraan gedoen nie.

Inwoners het al in die verlede ingespring om gate toe te stop, maar swaar reën en verkeer maak hulle hande werk elke keer ongedaan. Die Smile Gallery, ‘n tandeelkunde praktyk in SW5 het vandeesweek ingespring om slaggate in Vivaldi te herstel.

Die bekende sakeman en ontwikkelaar, Fanie de Jongh, wat self gereeld inspring om slaggate rondom sy sakebelange in Vanderbijlpark te herstel het die volgende op Facebook te sê gehad: Well done jy probeer darem, ander besighede sit net en kyk.”

Denise Foord van Rooyen het ook op Facebook reageer:  Dankie Dr Lorinda… jy is n voorbeeld vir ander besighede… proud of you